Kacaankii Qoomamada Kuwii Dhebiga Uqoroow Qarankii Xagee Dhigteen.

      Sidan waxaa yidhi qof waayeel ah oo aanu Muqdisho ku kulanay.  

Halka laga baahin doono barnaamijka CASWA.

Minneapolis, Minnesota.|Barnaamijkan oo lagu magacaabay CASWA Codka Ardayda Soomaaliyeed ee Wuqooyiga America  waxaa markii ugu horaysay si rasmi ah loogaga maqlay iyadiiyoo tijaaba ah labadan Magaalo ee mataanaha ah Minneapolis iyo St.Paul galabta oo axad ahayd 23ka bishan Juun, barnaamijkan CASWA waxa uu hoos yimaada Agab oo ah koox araday ah oo isu tagay kan oo aan Dowli ahayn, eraygan ayaa  laga soo gaabshay Ardayda Geeska Afrikada Bari, iyadoo erayga qudhiisu uu yahay sida odayada sugaanta ee Soomaalida Minnesota ay ku qeexeen Caaqibo ama Aayatiin…Nin oday ah islamarkaana sugaanta Soomaalida in badan oo ka mid ah haya ayaa goortii la waydiiyay eraygan Agab yiri “Agab waa caaqibo ama ayaatiin, ama xataa faa’iido” Waxa uu tusaale usoo qaatay Dhoowr tuduc oo uu kasoo xigtay Sugaanyahanka Soomaaliyeed Sheekh Xirsi Magan mar uu fasirayay Aayada 54aad ee Suurada Nuur, waxa uu yiri.

Alle aayadii Nuur wuxuu idin ku leeyahay
Haday iiga qaataan samahana adkeeyaan
Sidaan horay u iriba sadex baan isugu dari
Sidii uumankii hore Arladaan u dhiibanoo
Anigoo ka raaliyaan Diinta u adkaynoo
Irdhada iyo baqahana amnaan ugu badalayaa
Aminkaa ka diboow ninkii iga abaalka dhaca
Anba waan ogahay oo faasiq AGAB la’ weeye
Goortaan ka aarsado yuu eersan doonaa.

Halkaas ayuu abwaankaasu ku tilmaamay in erayga AGAB uu la macne yahay ama macnaha lagu qeexi karo uu yahay Caaqibo, ama Caaqibad, Faa’iido, tan oo uu Ilaahay ku tilmaamay qofkii inta uu intaas oo abaal ah u galay misana gudi waayay ruux caaqibo la’ ama aan wax faa’iido ah oo uu leeyahay aysan jirin…ama xataa ruux qalbi daliil ah oo markaa ay ruuxdii sharka iyo shaydaanku ka xoog badisay.

Nin kale oo aday ah ayaa isaguna mar aan wax ka waydiiyay eraygaa AGAB ii sheegay in uu horta Eraygu macne wayn yahay, hase yeeshee lagu tilmaami karo sida aad maanta adinkii oo arday ahba u isticmaasheen qaabkaa quruxda badan ee loogu soo uruuriyay dhamaan magaca Ardayda Geeska Afrikada Bari…Ninba waxbaa yaab geliyee anigu aad baan u jeclaystay sida aad ugu aruuriseen macnaha wayn eraygaa keliya, taa waxaan oga gudbayaa in aan isku dayo erayga in aan qaadsiiyo marinkiisa, markaan sidaa leeyahay waxaan ola jeedaa sida ugu fudud ee lagu fahmi karo bal aan tilmaamo…AGAB waa tamarta uu shito qofka markii uu doonayo in uu la saan qaado quruumaha jira maanta ee nugula nool dunida aanu saaranahay guudkeeda iyadoo aysan halkaa ka marnayn in aan bal la iloobin dawgii hagaagsanaa ee kuwii inaga horeeyay…hadii markaa ay lahaayeen wanaag oo aan kaga dayano iyo hadii ay lahaayeen xumaan oo aan ka feejignaano, tan ayaa hadaba lagu doonayaa in lagu raadiyo caaqibadii la bahdilay ee uu lahaan jiray aqoonyahanka Soomaaliyeed kan oo kolkiisii hore kasoo biloowday Arday kadibna Aqoon yahan, Ardayga ayaa lagu tilmaamaa in uu yahay aqoon yahankii berito hadii markaa aan isagii la gacan qaban waa ay adkaan doontaa in la helo aqoon yahan agab leh oo macna u sameeya Ummaddiisa marka lagu daro dal iyo diin.

SheriffOsman oo ka mid ah barbaarta CASWA

“Ummadd waliba Ummadda ka horaysa saanqaadkeeda ayay leedahay, dadka iyo taariikhdaa xusi doona si xun wax u sheegaha, qalbi daliilka, iyo AGAB laawaha, sidaasay quruumuhu isu dhaxlaan oo taariikhda isugu gudbiyaan. Jaallayaal Dhisaha iyo Dumiyaha labadaba taariikhdaa sheegi doonta” Sidan waxaa uu ku yiri  jaalle Maxamed Siyaad Barre madaxwaynihii hore ee Soomaaliya khudbad uu u jeediyay dadwaynaha sanadkii 1974kii.

Waa sidaase AGAB laawe waa Caaqiba laawe aan faa’iido lahayn haba yaraatee, hadaba waxaan filayaa in qeexida eraygaa ay inoogaa filantahay intaa.

Barnaamijkan ayaa la donayaa in uu markaa kulmiyo dhamaan ardayda Geeska Afrikada Bari ee wax ka barata dibada iyo gudaha dalkaba, si markaa loo unko ama loo asaaso deegaan ku salaysan aqoon iyo waayo aragnimo, waxaan iyana meesha ka marnayn in ay tani tahay dariiqa kaliya ee aynu kula dagaalami karno Jahliga, Qalbi daliilka, tabar laawaha ka badin waayay laynta iyo baabi’inta bulshada Soomaaliyeed, isla markaana aan ku asli karno daryeel dhan oo ku jeeda barnaamijkii waxbarasho ee Soomaaliya, kaabbidda iyo ku hagida qorshe habaysan iyo barnaamij loo qoondeeyay aqoon yahanka Soomaaliyeed ee laga yaabo in arxan laawayaashaa quutay qaranimadii Soomaaliya ay  darxumo iyo dalanbaabi ku diloodeen, 

Waxaan jeclaan lahaa in aan halkan idiin kaga sheekoo arin la xidhiidha sida ay arxan laawayaashaasu u bahdileen aqqonyahanka Soomaaliyeed…

Waxay ahayd goor barqa ah…Waxaan joogay Magaalada Muqdisho oo aan xiligaa u tagay shaqo la xidhiidhtay hagaajinta iyo dayactirka qalab lagu xidhiidhinayay Cybernetics-ka Caalamiga ah..waxaan kasoo socdaalay xaruntii aan ka deganayn Magaalda Muqdisho oo u jirtay wax ka yar 350m madaxtooyadii Jamhuuriyadii Soomaaliya….waqtigan oo aan lugaynayay ayaa waxa aan soo gaaray suuqa lagu magacaabo BAKAARAHA, gaar ahaan halka ay ka baxaan basaska aada qaar ka mid ah Gobolada Dalka…waxaan la socday qof waayeel ah oo aan qarabo ahayn, hadii aan xoogaa suuqii ku warwareegnay iyo goobtii laga raacayay basaska ayaa waxaa nagu soo baxay nin dheer oo Illahay lixaad iyo qurux siiyay, waxaa wejigiisa ninkaa ka muuqday xishood aad iyo aad u farabadan tan oo ay u wehlisay gaajo afkiisii bedeshay…Illeen aadanuhu quudkuu ku nool yahaye, waxaa ninkaa wejigiisa oo dhan aad ka dareemaysay kolka aad sidaa u fiiriso baahi waynaatay tan oo aad ku tilmaami karto in uu sadex ama far qad yahay.

Markii iigu horasay ee aan isha qac ku siiyay waxa uu taagnaa daaqad ka mid ah daaqadaha bas u baxayay Magaalada Galkacyo ee Gobolka Mudug, waxaan is iri waxa uu lahadlayaa show qof safraya oo ehelkiisa ah, xoogaa hadii la joogay ninkiina uusan ka dhaqaaqin daaqada ayaa nin qolyihii baska maamulayay ka mid ahi ku yiri basku wuu dhaqaaqayaaye ka leexo…ninkii isaga oo caga jiidaya ayuu isaga soo dhaqaaqay baskii, mar keliya ayaan yaabay oo iskula hadlay war ninku sidee wax ka yihiin, In yar kadib waxa uu arkay qofkii waayeelka ahaa ee aanu isla soconay oo intuu kusoo booday yiri Illaahay baa ikaa tusay…qofkii waayeelka ahaa ee ila socday ayaa igu yidhi “Ninkan Ma Garanaysaa?” Markaasaan ku iri maya….gooni buu inta isula taagay la balamay! Waa Yahay waan is arki doonaa un baan sheekadoodii ka maqlay!.

Muqaalka Studio-ha Koowaad

Markuu sidaa inooga dhaqaaqay ayuu igu yiri qofkii waayeelka ahaa ee aan isla soconay ninkaa bal u fiirso…Waan eeeeegaaaa waan eeeegaaaa xogaa kadib ayuu sidiisii dhinaca ku qabtay mid ka mid ah basaaskii astaanka taagnaa…hadii aan markan si hagaagsan ugu fiirsaday waxaa ii muuqday ninkii aan soo tilmaamay oo dadkii wax waydiisanaya oo weliba si xishood badani ka buuxo gacanta ugu hoorsanyo….Waa ay ii cuntami wayday! Waayo waxaan fahmi waayay ruuxan uu ileeyahay qofkan waayeelka ah ee ila socda fiiri! Si fiican u fiir! Ma garanaysaa! Ma fahamtay! Iyo isagiiyoo waa ninkee u eg nin aragiisu qariib yahay! Ama hadaan si kale u iraahdo yaab kugu dhalinaya goorta aad aragto muuqiisa, waa nin dheer oo Illahay qurux iyo joog siiyay! Weliba intaa ay u dheer tahay Lixaad iyo bilicsamaan!

Waa kuma! Ninku muxuu yahay? Ayaan kala dhamaan waayay ruuxii waayeelka ahaa ee ila socday! Danihii aan lahayn oo dhan ninkan baa naga mashquuliyay! Qofkan waayeelka ah ee ila socdana qudhiisu ninkan way is yaqaanaan oo waa bay waqti isla soo qaateen! Oo ay meel kawada sahqayn jireen, waa beri samaadkiiyee.

Waxba yaanan war kugu daalinine ninkii isaga ahaa tan iyo maalintii oo dhan bas-ba bas buu u dhiibaa oo sidaa suuqa dhexdiisa gaar ahaan halka basaska laga raaco ugu nagaadaa….

Mar aan daalay ayuu ruxii waayeelka ahaa ii sheegay in uu ninkaa macalin ka ahaan jiray Kuliyadii Waxbarashada sare ee Lafoole, isla markaana uu isagu yahay reer magaalka, meel uu aadana uusan aqoonin, halka dadku is dhacayaan ama is dilayaan isagu waxa uu ka doortay in uu meelihiisaa gacanta hoorsado inta Illaahay faraj khayrqabo oga furayo….Maandhoow aduun mee xaal sidaasuu ku dambeeyay Illaahayoow hana dufayn oo karaamada ha naga qaadin! Muxuu dembi ah oo leeyahay hada ninkaa? kuwii kacaankii qoomamada dhebiga u qoroon waa iga su’aale qarankii xagee dhigteen!

Akhyaarta hawada naga dhagaysanaysay tan ayaa dhalisay in la unko barnaamijkan AGAB oo ujeedada laga leeyahay ay tahay in uu dhaliyo fikradii lagu badbaadin lahaa aqoonyahanka Soomaaliyeed ee sidaa loo bahdilay…iyo weliba xataa sidii uu u kulmin lahaa dhamaan ardayda Soomaaliyeed ee wax kabarata dalka dibadiisa gaar ahaan kuwa  Woqooyiga America, barnaamijku waxa uu si gooni ah usoo hadal qaadi doonaa  ardayda ka timi geeska afrikakada bari ee ku hadasha af-ka Soomaalga.

Tani waxa ay ahayd dhacdo dhab ah oo aan usoo taagnaa anigan idin la hadlaya! Ugudambayntii waxaan leeyahay AGAB waxa uu u baahanyahay hiilkaaga, hiilkayga, iyo dhamaan hiilka Ardayda Geeska Afrikada Bari waa inta af-ka Soomaaliga ku hadashee.

Barnaamijkan CASWA oo hoowshiisa ugu wayni ay tahay baraarujinta Ardayda Soomaaliyeed  ayaa lagu wada in uu hoowshiisan si rasmi ah u bilaabo sanad dugsiyeedka 2002  - 2003, goortaas oo uruurinta barnaamijkan lagu wado in la soo af-meero. Qaabka loo qorshaynayo barnaamijkan iyo sida ay tahay in uu u hoowl galaba waxaan idiin kaga soo sheegi doona dib goorta ay hoowsha xog uruurintu soo gabagaboowdo.

Hadii aad markaa jeclaan lahydeen in aad heshaan akhbaar siyaada ah oo la xidhiidha barnaamijkan fadlan nagala soo xidhiidh agab@unitedstates.com, anaguna waxaan idiin balan qaadaynaa in aan si hagaagsan idiin kugu adeegno oo markaa aan idinka haqab tirno wixii baahidiina ah ee aad jeclaan lahydeen in aad ka ogaataan CASWA Codka Ardayda Soomaaliyeed ee Woqooyiga Amerika.

SheriffOsman

agab@unitedstates.com

June 25, 2002 | Xuquuqda Qoraalkaan waa xafidantahay | SomaliTalk.com

_________________________________________________

WARBIXINADII HORE EE SOOMAALIDA MINNESOTA.

fadlan booqo maanta si aad u ogaato, ama aad oga hesho warbixin Soomaalida ku dhaqan Gobolkan Minnesota.

MAY | APRIL | MARCH | FEBRAAYO | Janaury 2002 | Wararkii 1999-2001 

Dhadhtar ka tirsan cisbitaal kamida cisbitaalada ugu weyn Maraykanka ayaa sheegay in Soomaalida uu kusoo badanayo cusurka kaadi-sonkorowgu, warbixintaas iyo calaamadaha lagugarto kaadi-Sonkorowga
KA AKHRI HALKAN GUJI....

Xisbiga Shaqaalaha ee Borlänge oo Ballanqaaday Cirib-tirka Shaqo iyo Xirfad La'aanta Soomaalida
SWEDEN - Kullan si aad ah loo soo abaabulley oo ay ka soo qeyb galeen muslimiinta ku dhaqan degmada Borlänge iyo siyaasiyiinta xisbiga shaqaalaha ee ... GUJI.HALKAN

Mashruuca samafalka Carruurta Soomaaliyeed GUJI...

Mashruuca Naafada iyo Da'weynta Soomaaliyeed GUJI...

Jamciyadda Samafalka Almanhal iyo waxqabadkeeda GUJI.... 

Ardayda Soomaaliyeed ee Ka qalinjebiyey Minnesota GUJI...

Columbus, Ohio iyo SomaliTalk KA.AKHRI.HALKAN 

BORLÄNGE IYO SOMALITALK.COM Warbixintii Ahmed-shil Mohamed
 GUJI HALKAN 

DADAALKA SOOMAALIDA AUSTRALIA

DADAALKA SOOMAALIDA MARAYKANKA 

DADAALKA SOOMAALIDA SWEDEN 

DADAALKA SOOMAALIDA INDIA

MAXAA ISLAAMKU KA YIRI MOWLIIDKA NEBI MUXAMMED (SCW)
[waa cod] ee Ka dhegeyso Masjidka Khalid Bin Waliid ee Toronto